காவியமும் ஓவியமும் – அரும்பதக் குறிப்பு

-கி.வா.ஜகந்நாதன்

சங்கத் தமிழ் இலக்கியங்களில் அகம்- புறம் இரண்டிலும் உள்ள கவின்மிகு காட்சிகளைத் தொகுத்து மாலையாக்கி இருக்கிறார் அமரர் வாகீச கலாநிதி திரு. கி.வா.ஜ. ஓவியர் திரு. ராஜம் அவர்களின் ஓவியத்துடன் அக்காலத்தில் ‘கலைமகள்’ இதழில் வெளியான கட்டுரைகள் பிற்பாடு ‘காவியமும் ஓவியமும்’ என்ற தலைப்பில் நூலாகின. அந்த நூலின்கண் உள்ள அரும்பதச் சொற்களுக்கு கடைசியில் கி.வா.ஜ. அளித்துள்ள விளக்கம் இது…

அரும்பதக் குறிப்பு

அ – அழகு
அடுதல் – சமைத்தல்
அமர்தல் – தங்குதல்
அரண் செய்தல் – பாதுகாத்தல்
அருந்துதல் – ஊட்டுதல்
அரை – இடை
அலமருதல் – சுழலுதல்
அலைத்தல் – துன்புறுத்தல்
அவலம் – வருத்தம்
அழல் – நெருப்பு
அழித்தல் – அவிழ்த்தல்
அழுங்கல் – ஆரவாரம்
அளவளாவுதல் – நெருங்கிப் பழகுதல்
அளி – அன்பு
அளை – வளை
அறிந்திசினோர் – அறிந்தவர்
ஆகுமதி – வாயாக
ஆயர் – இடையர்
ஆயிடை – அதற்கிடையே
ஆரல் – ஒரு வகை மீன்
ஆள்வினை – முயற்சி
ஆறு – வழி
ஆன் – பசு
இடும்பை – துன்பம்
இணைமலர் – இரட்டைப் பூ
இமிர்தல் – ஒலித்தல்
இயக்கம் – புடைபெயர்ச்சி
இரு – பெரிய
இல்லாகுதும் – இல்லையாவோம்
இழுக்கு – குற்றம்
இளிவு – அவமதிப்பு
ஈர்மணல் – ஈரமான மணல்
உண்கண் – மையுண்ட கண்
உணர்கம் – அறிவோம்
உதுக்காண் – அதோ பார்
உயர்வு நவிற்சி – அளவுக்கு மிஞ்சிப் புகழ்தல்
உலம் – கல்தூண்
உவலை – தழை
உளுக்குதல் – அசைத்தல்
ஊச்சுதல் – உறிஞ்சுதல்
ஊதியம் – வருவாய்
ஊரன் – மருத நிலத் தலைவன் பெயர்
ஊழ் – விதி
எஞ்சுதல் – மிகுதியாதல்
எய்தாது – போதாது
எய்ப்பு – இளைப்பு
எய்யாமை – அறியாமை
எயினர் – வேடர்

எவ்வம் – துன்பம்
எவன் – என்ன
எழில் – அழகு
எறிதல் – வீசுதல்
எறும்பி – எறும்பு
ஏது – காரணம்
ஏமதி – ஏவுவாயாக
ஏறிட்டுக் கொள்ளுதல் – மேற்கொள்ளுதல்
ஒண்னுதல் – விளக்கத்தையுடைய நெற்றி
ஒழுகுதல் – ஓடுதல்
ஒளிறுதல் – விளங்குதல்
ஓரி – தலைமயிர்
கச்சை – இடையிற் சுற்றிய கட்டு
இன்னாய் – கொடுமையை
கடாம் – மதம் உடையாய்
கணம் – தொகுதி
கதிர் – கிரணம்
கதிரவன் – சூரியன்
கமழ்தல் – மணத்தல்
கரத்தல் – மறைத்தல்
கலிங்கம் – ஆடை
கலிழி – கலக்கம்
கலைமான் – ஆண்மான்
கவர்தல் – கைக்கொள்ளுதல்
கவலை – பிணங்கிய வழி
கவிதல் – சூழ்தல்
கவுள் – கன்னம்
கழறுதல் – கண்டித்தல்
கழாஅல் – கழுவுதல்
களிறு – ஆண்யானை
களைஞர் – விலக்குபவர்
காமரு – விருப்பம் மிக்க
கார் – மேகம், கார்காலம்
காரிகை – பெண்
காவதம் – காதம்
கான் – காடு
கானவாரணம் – காட்டுக் கோழி
கீழறுத்தல் – மறைவாகக் கேடு சூழ்தல்
குய் – தாளிதம்
குருகு – நாரை, ஒரு பறவை
குருதி – இரத்தம்
குழல் – புல்லாங்குழல்
குறிஞ்சி நிலம் – மலையும் மலையைச் சார்ந்த இடமும்
குறும்பொறைநாடன் – முல்லை நிலத் தலைவன் பெயர்
குறுமாக்கள் – சிறு பையன்கள்
கூவல் – பள்ளம்
கெண்டுதல் – கிண்டுதல்
கெழு – பொருந்திய
கையறுதல் – செயலற்றுக் கிடத்தல்
கொடுங்கழி – வளைந்த உப்பங்கழி
கொடுவில் – வளைந்த வில்
சென்றீக – செல்க
சேர்ப்பன் – நெய்தல் நிலத் தலைவன் பெயர்
சொக்குதல் – மயங்குதல்
ஞான்று – காலம்
தகை – இயல்பு
தண்மை – குளிர்ச்சி
தலையளி – உயர்ந்த அன்பு
தவ – மிக
தவிர்த்தல் – விலக்குதல்
தாங்குமதி – தடுப்பாயாக
தாழ் – தாழ்ப்பாள்
தாழ்பு – தாழ்ந்து
திருவோலக்கம் – அரசன் ஸ்தானத்தில் வீற்றிருக்கும் நிலை
திரு – செல்வம்
திரைதல் – மடிப்பு விழுதல்
தீமை – இனிமை
தீர்கம் – நீங்குவோம்
துணி – துண்டு
துணை – இரட்டை
துழத்தல் – துழாவுதல்
துனி – துன்பம்
தூக்குதல் – எடுத்துக் காட்டுதல்
தேரோன் – சூரியன்
தேன் – வண்டு
தொடி – தோள்வளை
நகுதல் – மகிழ்தல்
நவிலுதல் – ஒலித்தல், பயிலுதல்
நனி – மிக
நாள் – காலை
நுகர்தல் – உண்ணுதல், இன்புறுதல்
நெய்தல் நிலம் – கடலும் கடலைச் சார்ந்த இடமும்
போது – மலரும் பருவத்துப் பேரரும்பு
நெறி – வழி
நொதுமல் – அயல்
நொவ்விதாக – வேகமாக
பகழி – அம்பு
படப்பை – ஊர்ப்பக்கம்
படர்தல் – செல்லுதல், விரும்புதல்
படிதல் – நீராடுதல்
பதம் – பக்குவம்
பந்தி – குதிரைச்சாலை
பரி – நடை
பரிதல் – ஓடுதல்
பலவு – பலாமரம்
பற்றுக்கோடு – தாரம்
பாதாதி கேசம் – அடி முதல் முடி வரையில்
பால் – ஊழ்வினை
பிணிக்கொள்ளுதல் – கட்டுப் படுத்தல்
பிணைமான் – பெண்மான்
பிணையல் – மாலை
பிழம்பு – பிண்டம்
பிளிறுதல் – முழங்குதல்
புலர்தல் – உலர்தல்
புறம் – முதுகு
புறவு – முல்லை நிலம்
புன்மை – பொலிவின்மை
பூதர் – சீலர்
பெயல் – மழை
பெருந்தகு நிலை – பெருமிதத்தைக் காட்டும் தோற்றம்
மிடறு – கழுத்து
முல்லைநிலம் – காடும் காட்டைச் சார்ந்த இடமும்
முளிதல் – முற்றி விளைதல்
முறுவலித்தல் – புன்னகை செய்தல்
மூதாதையர் – முன்னோர்
மெய் – உடம்பு
மருட்சி – மயக்கம்
மருத நிலம் – வயலும் வயலைச் சார்ந்த நிலமும்
மருப்பு – கொம்பு
மலிர்தல் – மேலே வருதல்
மறக்குடி – வீரர்கள் பிறந்த குடும்பம்
மறலி – யமன்
மறுகுதல் – மனம் சுழலுதல்
மாய்த்தல் – தீட்டுதல்
மிடுக்கு – எடுப்பு, பெருமையுணர்ச்சி
மின் – நட்சத்திரம்
முகன் – முகம்
முட்கோல் – தாற்றுக்கோல்
முட்டு – இடையூறு
முரணுதல் – வேறுபடுதல்
முரலுதல் – ரீங்காரம் செய்தல்
வாரனம் – கோழி
வாள் – ஒளி
வானம் – காசம்
விதிர்த்தல் – தெளித்தல்
வியல் – பரப்பு
விரகம் – பிரிவுத் துன்பம்
வீங்குதல் – மிகுதல்
வீதல் – அழிதல்
வீழ்த்தல் – விழச் செய்தல்
வேரல் – மூங்கில்
வை – கூர்மை
வைமுள் – தாற்றுக்கோல்
வெளவுதல் – கைக் கொள்ளுதல்

$$$