பொது சிவில் சட்டம்

ஒரே நாடு… ஒரே சட்டம்!

நாட்டு மக்கள் அனைவருக்கும் ஒரே சட்டம் என்பது தான் உண்மையான, சமமான நீதியாக இருக்க முடியும். ஆனால், இந்தியாவில் குற்றவியல் சட்டம், தண்டனை சட்டங்களில் மட்டுமே சீரான தன்மை நிலவுகிறது. உரிமையியல் சட்டங்களில் மதத்துக்கு ஒரு சட்டம் நடைமுறையில் இருப்பது பல வகைகளில் மக்களை பாதித்துவருகிறது. இந்நிலையை மாற்ற, சுதந்திரம் பெற்ற 75 ஆண்டுகளுக்குப் பிறகு தற்போதைய மத்திய அரசால் முயற்சி மேற்கொள்ளப்படுகிறது.

உண்மையில் இது ஒன்றும் புதியதல்ல. அரசியல் சாசன சபையிலேயே இதுகுறித்த தீவிரமான விவாதங்கள் நிகழ்ந்துள்ளன. அப்போது, தற்காலிக ஏற்பாடாகவே மதரீதியான உரிமையியல் சட்டங்கள் அனுமதிக்கப்பட்டன. எதிர்காலத்தில் பொதுவான உரிமையியல் சட்டம் இயற்றப்பட வேண்டுமென்றே இந்திய அரசியல் அமைப்பு சட்டம் கூறி இருக்கிறது. டாக்டர் பி.ஆர். அம்பேத்கரும் இதனையே வலியுறுத்தி இருக்கிறார்.

எனவே, பொது உரிமையியல் சட்டம் (UNIFORM CIVIL CODE – UCC) தொடர்பான சில முக்கியமான கட்டுரைகள் இங்கே தொகுக்கப்படுகின்றன. அதேபோல பொது உரிமையியல் சட்டத்திற்கு எதிராக முன்வைக்கப்படும் விவாதத்துக்குரிய கட்டுரைகளும் இதே பகுதியில் தொகுக்கப்படுகின்றன. இக்கட்டுரைகள் நமது அறிவை விசாலமாக்கும்.

இக்கட்டுரைகள் பல்வேறு இதழ்களில் வெளியானவை. இக்கட்டுரைகள் இங்கே இடம்பெறுவது லாப நோக்கிலானது அல்ல என்பதை தெரியப்படுத்திக் கொள்கிறோம். UCC தொடர்பான ஆதரவு – எதிர்ப்புக் கருத்துகள் அனைத்தும் ஒரே இடத்தில் கிடைக்க வேண்டும் என்ற ஆராய்ச்சி மனப்பான்மையுடன் இவை இங்கே தொகுக்கப்படுகின்றன.

1. 1937 Shariat Act – For Muslims or for Jinnah and the Zamindars?